சௌந்தரி அன்று
உழவர்வாழ் கிராமத்தில்
உழவர்வாழ் கிராமத்தில்
தாயன்பின் அணைப்பில்
கோழிகூவ துயில் எழும்பி
அழகான வயல்வெளியில்
அமுதமாக தேங்கிநிற்கும்
அத்துளுக் குளத்தினிலே
கவலையின்றி நீச்சலடித்து
புத்தாடை உடுத்தி புதுரிபன் கட்டி
வானவெடி வாத்தியத்தில்
கதிரவனைத் துயில் எழுப்பி
முன்முற்றம் அம்மா பெருக்க
கதிரவனைத் துயில் எழுப்பி
முன்முற்றம் அம்மா பெருக்க
மாக்கோலம் அக்கா போட
ஆடிப்பாடி அறுகம்புல் பிடுங்கி
அப்பாவிடம் நான் கொடுக்க
கள்ளச்சிரிப்போடு மேனியெங்கும் நீறிட்டு
மஞ்சள்மா பிள்ளையாரை மனசார வணங்கி
புதுமண்ணடுப்பில் புதுப்பானை வைத்து
கதிரவன் திசைபார்த்து புத்தரிசிபோட்டு
கதிரவன் திசைபார்த்து புத்தரிசிபோட்டு
பாலோடு சக்கரையும் பாகும் பருப்புமிட்டு
பால் பொங்கும் மகிழ்ச்சியிலே
பொங்கலோ பொங்கலென்று கூடிக்குரல் கொடுத்து
பொங்கலோ பொங்கலென்று கூடிக்குரல் கொடுத்து
வாழையிலை கழுவி வானவர்க்கு முதல் படைத்து
சுற்றங்கள் சூழநின்று வாழைப்பழத்தோடு
வாயெல்லாம் சிரிப்பாக பொங்கலுண்ட காலமது
இன்று
அந்நிய தேசத்தில்
பொங்கல் என்றே தெரியாமல்
நண்பர்கள் வாழ்த்துச் சொல்ல
தமிழ்க்கடைக்கு ஓடிச்சென்று
கையில் கிடைத்ததை வாங்கி
இயந்திரகதியில் பொறுமையிழந்து
பொங்கினேன் பொங்கலொன்று
இங்கே
புதுப்பானையில்லை புதுஅடுப்புமில்லை
புதுஅரிசியில்லை அட புதுஉடுப்புமில்லை
கிடைத்த பாத்திரத்தில் சக்கரையும் பாலுமிட்டு
தேவைக்கு அதிகமாக தேவையற்றதெல்லாம் போட்டு
கிண்டிக் கிழறி ஆத்திரத்தில் பொங்கிய
வேடிக்கைப் பொங்கலிதை
வெள்ளித்தட்டில் படைத்து தனியாக உண்ணுகிறேன்
கூடிக்குலாவிக் கதைபேச உறவுகள் அருகிலில்லை
பாடிப்பழகி பகிர்ந்துண்ண பக்கத்தில் சொந்தமில்லை
தைப்பொங்கல் தமிழருக்கோர் தனிப்பொங்கல்
எனக்கிதுவோ அர்த்தமில்லா அனாதைப்பொங்கல்
"இன்று
பதிலளிநீக்குஅந்நிய தேசத்திலே
பொங்கல் என்றே தெரியாமல்
நண்பர்கள் வாழ்த்துச் சொல்ல"
உங்கள் உள்ளார்ந்த ஏக்கம் கவிதையில் அழகாக வந்திருக்கிறது.
உங்கள் கருத்துக்கும் வருகைக்கும் மிக்க நன்றி
பதிலளிநீக்குபிணைப்பால் ஏற்படும் உறவுகளைவிட பிறப்பால் ஏற்படும் உறவுகள் நிலைத்து நிற்கும் என்பதும் ஒரு வாதம்.
அது எப்படி இருந்தாலும் கருவறை முதல் கல்லறை வரை எமது வாழ்க்கை உறவுகளுடன் தான் இணைகின்றது. உறவுகள் இல்லாது வாழும் வாழ்வு முழுமையான வாழ்வாக என்றும் அமைந்துவிடாது. சில நினைவுகள் அழியாதவை எத்தனை கோடி பணம் கொடுத்தும் மீளப் பெறமுடியாதவை.
நானும் அத்துளுவிலை குளிச்சவன் தான், இப்ப குளிக்க இயலாது, அது நன்னீர் திட்டம் என்று நீர்ப்பாவனை அதிகரித்திருக்கின்றது. விடியும் வரை " மாங்கிளியும் மரம் கூடு திரும்ப தடையில்லை, நாங்க மட்டும் ......,
பதிலளிநீக்குஎன்று இன்னொருவன் தேசத்திலை... " காத்திருப்போம்
அத்துளுக் குளத்தில் குளிக்க முடியாது என்பது புதிய தகவல். நன்றிகள் பல காரூரன்=(கரவை ஊரான்)
பதிலளிநீக்கு"மாங்கிளியும் மரம் கூடு திரும்ப தடையில்லை, நாங்க மட்டும் ........,என்று இன்னொருவன் தேசத்திலை... "
யதார்த்தமான வரிகள்
மிக அற்புதமான கவிதை.
பதிலளிநீக்குஅனுபவித்து விவரித்திருக்கும் அந்த நாளைய பொங்கல் நீங்கள் பெற்ற அளவற்ற ஆனந்தத்தையும், மனம் வெதும்பி வடித்திருக்கும் இந்நாளின் பொங்கல் உங்கள் வேதனையையும் உணர்த்துகிறது. விடுங்கள், காலச் சுழற்சியில் இவை யாவும் தவிர்க்கவே முடியாதவை ஆகி விட்டன.
நன்றி சகோதரி!
பதிலளிநீக்கு//காலச் சுழற்சியில் இவை யாவும் தவிர்க்கவே முடியாதவை//
ஆறுதலான வார்த்தைகள். மனத மனம் எதிலும் திருப்தி அடைவதில்லை போலும். அதற்கு நான் மட்டும் என்ன விதிவிலக்கா?